www.ka3ba.com

لبيك اللهم لبيك لبيك لا شريك لك لبيك ان الحمد و النعمة لك والملك لا شريك لك

ادخل قسم طلبات الاشراف و اطلب في الموضوع المثبت داخل القسم لاشرافك علي القسم اللي بتحبه و سوف يتم تعينك في الحال مع تحيات ادارة الموقع
تم و بحمد الله عمل موقع محرك بحث لمنتديات الكعبة http://funnylogo.info/engines/Google/White/ka3ba.com.aspx

    الفرق بين شباب دلواقتى وشباب زمان

    شاطر
    avatar
    mody1990
    مشرف عام المنتديات
    مشرف عام المنتديات

    عدد المساهمات : 14
    نقاط : 43
    السٌّمعَة : 3
    تاريخ التسجيل : 07/07/2010

    الفرق بين شباب دلواقتى وشباب زمان

    مُساهمة من طرف mody1990 في 7/7/2010, 6:58 pm

    *البنت لما حد يسألها..إنتى مخطوبة؟*



    زمان:- لسه ربنا مأذنش,وعينها فى الأرض ووشها يحمر.
    دلوقتي:- لأ ليه عندك عريس؟إيدي على كتفك..ناس معندهاش نظر.طيب متشيل انت



    *الولد داخل على باباه ياخد مصروف الاسبوع*



    زمان:- ممكن يقول لمامته هى تقول لباباه انه عايز المصروف لانه محرج انه يطلب كده من باباه وخايف منه.
    دلوقتى:- إيه يا مان احنا النهاردة كام فى الشهر ؟ انت مش هتأبجني ولا إيه حكايتك بالظبط ؟ يالا اختصر عشان معنديش وقت وصاحبي بيرنلي عشان انزل.ايه يا عم انت وقعت على ودانك وانت صغير ولا ايه ؟مش سامعني يعني ؟ عايز الفلوووووووس...المونيـــــــــــــــــــــــــــــ ــى




    *خروج الولد وموعد رجوعه البيت*



    زمان:- كان ممنوع التأخير ولو اتأخر يبقى لسبب قهري مع ابداء الاسباب والاعتذار الفوري.
    دلوقتي:- تلاقي الولد داخل الساعة 1 صباحاً ,باباه يقوله كويس انك متأخرتش النهاردة!!,يرد الولد تأخير ايه يا مان أنا طالع اغير هدومي ونازل تاني ,انا وكام واحد من اصحابي عندنا ماتش كده على الماشي .خش انت نام ومتقلقش وانا مش هتأخر...الاب نام وصحي ونزل يصلي الفجر وهو راجع يلاقي ابنه عند بتاع الفول بياكل !! ايه يابني انت لسه مروحتش؟ يرد الولد اهلااااا بالكبير اوى
    معلش بأه الماتش سخن اصله ولسه خلصان ولا ايه يا جماعة؟؟ كله يهز راسه بالموافقة وبؤه مليان اكل ,,يكمل الولد بعدين لقينا عصافير بطننا (بتنعر!!)قلنا نسدها بأه .



    *نزول الولد لشراء احتياجات البيت*



    زمان:- كانت البنت المفروض متنزلش كتير والولد فى غياب الاب راجل البيت يعني يشتري كل احتياجات والدته دون تذمر!
    دلوقتي:- الام يطلع عينها من التحايل على الولد ينزل يجيب حاجة من البقال اللي جنبهم حتى يرد ما تخلي فلانة تنزل ماهي قاعدة ما بتعملش حاجة.الام تقوله يابني اختك المفروض ماتنزلش كتير ديه مهما كانت بنت والوقت متاخر.بنت يعني ايه؟؟العو هياكلها مثلا؟ ولا الاشكيف مستنيها؟؟ديه بنتك تخوف بلد. يابني انت المفروض راجل البيت..يرد وانتوا خليتوا فيها راجل مش طالبتم بالمساواة؟يالا اشربوا عشان تبقوا تقولوا الراجل زى الست.هى فى حاجات وحاجات لأ يعني؟؟حاجة غريبة اوي!!!



    *ولد حب يتعرف على بنت*



    زمان:- الولد لو راح يكلم بنت (بعد ما تطلع عينه ) يحمر وشها ..ولو ردت عليه يبقى كلمة وخلاص وغالباً بتكون بتصده وبتمشي خايفة لا يكون اخوها معدي ويشوفها ويزعقلها.
    دلوقتي:- الولد راح يكلم بنت ردت عليه تقوله,لخص عايز ايه من الأخر يعني؟؟؟يعدي عليها اخوها ومعاه صاحبته يعملها باي من بعيد وهى ترد عليه ويمشي ( يمكن افتكر اللى واقف معاها ده عمود نور ؟؟!!)
    طبعا الولد واقف مندهش المهم يجي يتكلم تاني ترد عليه تقوله على فكرة انا مصاحبة وصاحبي (يعني حتى مش خطيبها) هيعدي عليا دلوقتي وعلى فكرة بيغير عليا موووت. (لا صحيح محترمة )



    قول للزمان ا
    رجع يا زمان
    avatar
    berry88
    نائب المدير
    نائب المدير

    عدد المساهمات : 13
    نقاط : 21
    السٌّمعَة : 10
    تاريخ التسجيل : 10/07/2010
    العمر : 30

    رد: الفرق بين شباب دلواقتى وشباب زمان

    مُساهمة من طرف berry88 في 10/7/2010, 1:48 pm

    موضوع لذيذ جدا تسلم يا مودى
    دايما مشاركاتك جامدة
    مع تحياتى

    safy
    مشرف مميز
    مشرف مميز

    عدد المساهمات : 11
    نقاط : 11
    السٌّمعَة : 10
    تاريخ التسجيل : 26/07/2010
    العمر : 26

    رد: الفرق بين شباب دلواقتى وشباب زمان

    مُساهمة من طرف safy في 26/7/2010, 8:30 pm

    الموضوع جميل تسلم وموضوعاتك كلها تشد تجبر اى حد انة يشتلرك معاك

      الوقت/التاريخ الآن هو 21/9/2018, 4:59 am